दिल की नजर से नजरों के दिलसे

बऱ्याच दिवसांपासून एखाद्या गाण्यावर लिहावे असे वाटत होते.  पण शोधून अश्या गोष्टी मिळत नसतात त्या समोर येतात. आज सकाळी रेडिओ लावला आणि हे गाणं लागले.

गाण्याचे संगीत पाश्चात्य असले तरी भारतीय सरळ चालीवरचे fusion. गाण्याचे मुख्य वाद्य अकाॅर्डियन सोबत मेंडोलिन, व्हायोलीन, ड्रम आणि डबल बास एवढीच वाद्ये. Prelude व्हायोलीन आणि अकाॅर्डियनच्या सुंदर counter melody ची आहे. ती ऐकताच गाणं ओठांवर येते. गाण्यात ड्रम आणि डबल बासचे साधे rhythm सतत वाजत आहे. Interlude मध्ये व्हायोलीन आणि अकाॅर्डियनची अप्रतिम गुंफन. अश्या ह्या पाश्चात्य पार्श्वसंगीतावर  लतादीदी आणि मुकेशचा तलम आवाज. छायाचित्रण कृष्णधवल असले तरी पडदा राजकपूरचे राजबिंडा रुप तर नूतनच्या सोज्वळ सौंदर्याने व्यापून टाकले आहे. 

शंकर जयकिशनने संगीतबद्ध केलेले. सुमीत मित्रांची जादुई बोट अकाॅर्डियन पडली आहेत. शैलेंद्रची अद्भूत रचना *दिल की नजर से नजरों के दिलसे* असे सर्वांग सुंदर गाणं. आज राजकपूर ह्यांचा वाढदिवस आहे. त्या निमित्ताने जरूर ऐका आणि आनंद घ्या.

सतीश गुंडावार

१४ डिसेंबर २०२१

🙏🏻🙏🏻🙏🏻

https://youtu.be/t8vDu-C7u1Q